Vegane vi vandrar

Forankra i folkemusikken, med både naturen og bygda ho kjem frå som bakteppe, kjem Sigrid Moldestad med eit av sine mest særprega og personlige album. Det handlar om vaksenliv, foreldreskap, kjærleikssorg og undringar kring dei store spørsmåla på det niande albumet "Vegane vi vandrar". Saman med sitt veletablerte band og kollektiv, skapar ho musikalske lydspor til historiene med energi, humor og klump-i- halsen stemning. Det er genreleikent og vitalt, levande innspelingar med nokre av dei beste musikarane i vest. Produsert av Yngve Leidulv Sætre.